Фысджыты фарнӕй - фӕрнджын » Осетия и Осетины :: Алания, Аланы, Северная Осетия

Фысджыты фарнӕй - фӕрнджын » Осетия и Осетины :: Алания, Аланы, Северная Осетия

 

Навигация по сайту

:: Главная страница

:: Обратная связь

:: Поиск по сайту


 ::

 

Видеоархив

:: Осетинские фамилии

:: Фыдæлты уæзæгмæ

:: Док. фильмы

:: Худ. фильмы

:: События

:: Передачи

 

Осетия и Осетины

:: Каталог Осетии (объявления)

:: Новости Северной Осетии

:: Авторские статьи

:: Ирон къӕлиндар

:: Былое

:: Коста Леванович Хетагуров

:: Осетинская музыка

:: Кодекс аланской чести

:: Кто такие Осетины?

:: Осетинские имена

:: Фотогалерея Осетии

:: Построй свою башню

:: Осетинская поэзия

:: Осетинский Язык

 

Духовный мир осетин

:: Святые места Осетии

:: Нарты кадджытæ

:: Нартский эпос

:: Галерея Нартов

:: Осетинские сказители

:: Древние знания осетин

:: Осетинская литература

:: Традиции и обычаи осетин

:: Осетинские писатели

:: Быт осетин

 

История Осетии

:: Происхождение иранских народов
:: Формирование осетин
:: Осетины и Кавказ
:: История скифов
:: История сарматов
:: История алан
:: Осетия в XV - XVIII вв
:: Осетия в XVIII в
:: Осетия в первой половине XIX в
:: Осетия во второй половине XIX в
:: Осетия в XX в
:: Осетия в конце XX начале XXI в

 

Библиотека

:: Три слезы Бога
:: Осетины за рубежом
:: Из истории Осетии
:: Из истории Алан
:: О верованиях Осетин
:: О культуре Осетин
:: Литература и письменность
:: Другие статьи
:: Сказания и героика

 

Популярное

 

Опрос

Когда вам нужно найти какой-либо товар или услугу в Осетии, чем вы пользуетесь?

ПС Яндекс
ПС Google
Каталог-Осетии.рф
Сайт "Вся Осетия"


 

Календарь

«    Декабрь 2017    »
ПнВтСрЧтПтСбВс
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31

 

Архивы

Июль 2017 (1)
Апрель 2017 (1)
Март 2017 (1)
Ноябрь 2016 (1)
Октябрь 2016 (1)
Август 2016 (1)

 

Статистика

Рейтинг@Mail.ru

 

Рекомендуем

Осетины. Осетия-Алания

Проект патриотов Осетии

Осетия. Известные люди

 

     
 
   

Фысджыты фарнӕй - фӕрнджын

Раздел: Авторские статьи, Осетинская литература  

 
 

Хетӕгкаты Къостайы номыл ирон литературӕйы музейыл сӕххӕст 75 азы

Фысджыты фарнӕй - фӕрнджын 1906 азы апрелы мӕйы Хетӕгкаты Къоста куы амард, уӕд ын ирон адӕм кадджындӕр бынатӕн равзӕрстой Ирыхъӕуы аргъуаны кӕрт. Ардыгӕй хорз зынынц горӕт, ӕрдз, хӕхтӕ. Хорз хъуысы ардӕм Терчы уынӕр.

1939 азы, Къостайы райгуырдыл цыппарыссӕдз азы куы сӕххӕст, уӕд та хицауад разаста уынаффӕ Ирыхъӕуы аргъуаны бынаты байгом кӕнын Къостайы номыл ирон литературӕйы музей. Уым адӕмы зонгӕ кодтой Къостайы ӕмӕ нӕм уымӕй фӕстӕмӕ цы курдиатджын фысджытӕ уыд, уыдоны сфӕлдыстадимӕ. Фӕлӕ йӕ ирон адӕм уӕддӕр хуыдтой Ирон литературӕйы музей нӕ, фӕлӕ - Къостайы музей. Афтӕмӕй сын, ӕвӕццӕгӕн, хӕстӕгдӕр уыд, уарзондӕр.


Ардӕм арӕх цыдысты, ирон адӕмы цыт, ирон ӕвзаг ӕмӕ литературӕ зынаргъ кӕмӕн уыдысты, уыдон. Лӕмбынӕг-иу фӕкастысты музейы алы нывмӕ, алы гӕххӕтмӕ дӕр. Фӕныхас-иу кодтой йӕ кусджытимӕ. Уӕлдай арӕхдӕр та ардӕ цыдысты нӕ Иры зынгӕ фысджытӕ: Епхиты Тӕтӕри, Мамсыраты Дӕбе, Дзанайты Иван, Ардасенты Хадзыбатыр ӕмӕ иннӕтӕ. Се стыр къалиутӕ дымгӕйы андзӕвдӕй кӕмӕн базмӕлынц, уыцы ставдзӕнг бӕлӕсты бынты-иу бацыдысты Къостайы ингӕны размӕ. Ӕрлӕууыдысты иу йӕ цуры.

Музейы рагондӕр кусджытӕ Калоты Риммӕ ӕмӕ Джыккайты Дунетхан дзы хорз хъуыды кодтой аркӕй къахдзӕф дӕр, се сныхас, сӕ уды парахат… Ӕмӕ адӕймаг йӕ хорз бинойнаджы куыд ӕрымысы, уыйау-иу сын сӕ кой ракодтой.

Цард ивгӕ цӕуы, рӕзы бонӕй-бонмӕ. Ӕмӕ кӕд музейы ран алкӕмӕн дӕр зынаргъ цыд, сахуыр ыл сты, уӕддӕр, ирон литературӕ Къостайы рӕстӕгӕй абоны онг куыд райрӕзт, уый равдисынӕн фаг нал уыд, ӕмӕ йӕхицӕн ӕндӕр бынат ӕркодта.

Цард куыд ивы, афтӕ ивынц йӕ домӕнтӕ дӕр. Знон рӕссугъд цы уыд, уый абон хъӕуы равдисын ноджы ӕххӕстдӕрӕй, ӕмӕ музейы кусджытӕ 1968 азы бавнӕлдтой ног экспозиции аразынмӕ.

Ныртӕккӕ йӕ бынат парахат у (раздӕры Бӕстӕзонӕн музей), ӕмӕ-иу цымыдис фарст иу ӕмӕ дыууӕ нӕ бакодта: «Ӕвӕргӕ та дзы цы ‘ркӕндзыстут, ӕвӕргӕ?» Цӕмӕй зыдтой, музейы рӕбынты дзӕвгар цымыдисаг ӕрмӕг ӕфснайд кӕй уыд, уый. Ныр сӕ хуыздӕртӕ хаст ӕрцыдысты ног экспозицимӕ.

Уӕдӕ абон дӕр цы бынаты ис Ирон литературӕйы музей, уым экспозици арӕзт ӕрцыд ӕрмӕстдӕр ӕртыккаг уӕладзыджы. Фыццаг дыууӕ уӕладзыджы та уыд Ӕрдззоныны музей. Фӕлӕ куыд фидыдтой иумӕ, сырдтӕ кӕм кӕм ӕвдыст цыдысты, уыцы музей ӕмӕ Ирон литературӕйы музей? Ӕмӕ, уыцы хъуыддагмӕ бӕлвырддӕр ӕркӕсгӕйӕ, хицауад бӕстыхай ӕппӕт дӕр радта Ирон литературӕйы музейӕн. Ӕмӕ та 1973 азы ногӕй арӕзт ӕрцыд экспозиции фондз уаты мидӕг нывгӕнӕг Ольгӕ Назаровайы разамындӕй.

Цӕгат Ирыстоны АССР-йы Министрты Советы уынаффӕмӕ гӕсгӕ 1978 азы 28 августы Цӕгат Ирыстоны Республикӕйы Бӕстӕзонӕн музейы бындурыл иугонд ӕрцыдысты цалдӕр музейы. Уыдонимӕ Хетӕгкаты Къостайы номыл ирон литературӕйы музей дӕр ӕмӕ сын ном радтой - Цӕгат Ирыстоны Паддзахадон иугонд музей, йӕ сӕргъы генералон директор, афтӕмӕй. 2008 азы азӕй фӕстӕмӕ та хуыйны Националон музей.

Ӕппӕты фӕстаг экспозиции музейы наукон кусджытӕ Джыккайты Дунетхан ӕмӕ Бдайциаты Земфирӕйы, нывгӕнджытӕ Виктор Кунавич ӕмӕ Виктор Бречкойы архайдӕй арӕзт ӕрцыд 1989 азы.

Ӕдде бакӕсгӕйӕ нӕ зыны музейы кусджыты ӕнувыд арзайд. Фӕлӕ алы чысыл ӕрмӕг ссарынӕн дӕр рӕстӕг хъӕуы. Суйтӕ ӕндахӕн йӕ райдайӕн куыд агурай, уыйау фӕагурынц алы ӕрмӕг дӕр, ӕмӕ йын кӕд йӕ сӕрыл фӕххӕст уай, уӕд хорз. Зӕгъӕм, Къостайы арӕзт нывтӕй иу къорд кӕм сты, уый абоны онг бӕрӕг нӕу. 1885 азы, Бетьырбухӕй сыздӕхгӕйӕ, Къоста йӕхи ӕмӕ ӕндӕр нывгӕнджыты куыстытӕй равдыстытӕ куы арӕзта, уӕд уыдонимӕ уыд, адӕмы зӕрдӕмӕ тынгдӕр чи фӕцыд, уыцы нывтӕй иу – «Сыгъдӕг Нинӕ». Ирон литературӕйы музейы ис ацы нывӕн йӕ къамӕй арӕзт хуызӕг, фӕлӕ ныв йӕхӕдӕг кӕм ис, уый бӕрӕг нӕу. Фылдӕр адӕм куыд зӕгъынц, афтӕмӕй ныв йӕ рӕстӕджы афтыд Дзӕуджыхъӕуӕй Калакмӕ. Йе ссарын нын чи ӕххуыс кодта, ахӕм адӕймаг нӕм фӕхабар кодта, зӕгъгӕ, дины кусджыты къухы ис; ӕфснайд и сиу хӕдзары, хуыцаубонӕй-хуыцаубонмӕ та йӕ аргъуанмӕ рахӕссынц… Нӕ хабархӕссӕджы фӕдыл ацыдыстӕм. Аргъуаны къултӕй иуыл уыд «Сыгъдӕг Нинӕ». Ӕрмӕст… Къостайы конд нӕ разынд… Кӕй зӕгъын ӕй хъӕуы, фыдӕнхъӕл фестӕм.

Абон кӕддӕрау нал цӕуынц адӕм музейтӕм, кӕд сын ӕй иудадзыг сӕ зӕрдыл лӕууын кӕнай, ӕндӕл. Уымӕ гӕсгӕ уыцы куыст кӕнгӕ у наукон кусджытӕй. Уымӕй уӕлдай фембӕлдтытӕ кӕнын фысджыты юбилейтӕм, ӕрмӕг (къухфыстытӕ, къамтӕ ӕмӕ а. д.) ӕмбырд кӕнын, фысджыты бинонтимӕ бастдзинад дарын, музейы фондтӕ бӕстон кӕнын. Ахӕм у музейы ӕрвылбоны куыст. Иудадзыг ӕмхуызонӕй архайӕм фембӕлдтытӕм цӕттӕгӕнгӕйӕ, ӕмӕ хорз дӕр уымӕн рауайынц. Бирӕ хорз ныхӕстӕ дӕр уымӕн фӕзӕгъынц, нӕ фембӕлдтытӕм чи ӕрбацӕуы, уыдон нӕ коллективӕн.

Хорз бантыст нӕ наукон кусджытӕн рауагъдадон хъуыддӕгты дӕр. Афтӕ, 2000 азы рауагътой хуызистыты альбом «Къоста». Йӕ автортӕ уыдысты Бдайциаты Земфирӕ, Отараты Зӕлинӕ ӕмӕ Бӕззаты Земфирӕ.

Ноджы арфдӕр бавнӕлдтой 2009 азы. Къостайы сӕдӕ фӕндзай азы бонмӕ кӕй бацӕттӕ кодтой, ӕмӕ рауагъдад «Ир» кӕй рауагъта, уыцы чиныг «Мӕ зӕрдӕйӕн куыд зынаргъ стут, куыд» (уырыссаг ӕвзагыл: «Вы так мне дороги…»). У тынг бӕстон куыст, Къоста йӕ цыбыр царды цы уӕззау фӕндӕгтыл фӕцыд ӕмӕ йӕ зӕрдӕйӕн зынаргъ чи уыд, уый тынг хорз равдыстой сӕ чиныджы Бдайциаты Земфирӕ, Бӕззаты Земфирӕ ӕмӕ Ӕлборты Тамарӕ.

Музейӕн мӕ разамонӕгӕй куы сӕвӕрдтой 1984 азы, уӕд мын хӕсгонд ӕрцыд цалцӕг ӕй скӕнын. Уымӕн ӕмӕ уыд тынг ӕдзӕллаг уавӕры, ӕмӕ уыцы хъӕндзинӕдтӕ аиуварс кӕнын ахаста ӕнӕхъӕн фондз азы. Уый фӕстӕ дӕр ма иу ӕмӕ дыууӕ хаты нӕ бахъуыд хайгай цалцӕг кӕнын музейы агъуыст, ӕмӕ зӕгъын фӕнды, чи мын-иу феххуыс кодта, уыдонӕй цалдӕры нӕмттӕ. Уыдон сты республикӕйы арӕзтады раздӕры министр Гусаты Олег, Госстройы хицау, гуманитарон академийы ректор Томайты Барис, химкомбинаты сӕргълӕуджытӕ, нӕ горӕты сӕргълӕууӕджы фыццаг хӕдивӕг Таматы Майрӕн ӕмӕ мА ноджы ӕндӕртӕ. Стыр бузныг дӕн абон дӕр ацы адӕмӕй.

Фӕлм уыдон, чи аивгъуыдта, уыцы рӕстӕджы хабӕрттӕ сты. Ныртӕккӕ нӕ музей ӕрцыд тынг ӕдзӕллагмӕ, ногӕй та йӕм хъӕуы базилын ӕмӕ саразын ног экспозиции, абоны домӕнтӕн дзуапп куыд дӕтта, йӕ хъуыдыйӕ ӕмӕ йӕ арӕзтӕй, ахӕм экспозиции.

Цыбыр ныхасӕй, стыр хӕс та ӕрлӕууыд нӕ музейы кусджыты размӕ, ӕмӕ нын Культурӕйы министрад зӕрдӕ куыд ӕвӕрдта, афтӕ цалцӕггӕнӕн куыстытӕ райдыдтой 2014 азы кӕрон – ивд цӕуынц царӕй, дуарӕй, рудзынгӕй.


Томайты Мисурхан,
Хетӕгкаты Къостайы номыл ирон литературӕйы музейы директор

 

 

 

 

 

 


Другие новости по теме:

  • Записи поговорок
  • Мелкие заметки и отрывки
  • Уастырджийы фӕлгонц
  • Автобиография
  • Концерт группы "Монзӕл"
  •  

     

     

     

    Просмотров: 2632 | Автор: admin | Дата: 21 июня 2015 | Напечатать

     


     
         

     

     

     

    Каталог Осетии - ищете товар, услугу или определенную организацию? А может вы руководитель фирмы и хотите разместить информацию о ней?
    Здесь вы найдете все - http://каталог-осетии.рф

     
      Главная страница | Новое на сайте

    Copyright © 2005-2016. Осетия и Осетины
    При использовании материалов гиперссылка обязательна!